ສູນເຕັກໂນໂລຊີຂ່າວສານ ແລະ ການສື່ສານສຶກສາ ແລະ ກິລາແຂວງຫຼວງພະບາງສະຫຼຸບປະຈຳປີ 2015-2016 ແລະ ແຜນການ 2016-2017

ໝວດ: ກ່ຽວກັບສູນໄອທີ ເຜີຍແຜ່ເມື່ອ ວັນພຸດ, 07 ທັນວາ 2016 ຂຽນໂດຍ Super User

ສູນເຕັກໂນໂລຊີຂ່າວສານ ແລະ ການສື່ສານສຶກສາ ແລະ ກິລາແຂວງຫຼວງພະບາງສະຫຼຸບປະຈຳປີ 2015-2016 ແລະ ແຜນການ 2016-2017 icon new

ເພື່ອເປັນການກຳນົດລະບຽບຫຼັກການ, ມາດຕະການ ໃນການຄຸ້ມຄອງ ແລະ ກວດກາການນຳໃຊ້ອິນເຕີເນັດ, ລະຫັດຊື່ອິນເຕີເນັດ ຂອງຂະແໜງການສຶກສາ ແລະ ກິລາໂດຍສະເພາະ ແມ່ນ ແຂວງຫຼວງພະບາງ ເພື່ອໃຫ້ມີຄວາມເປັນລະບຽບ ຮຽບຮ້ອຍ, ມີຄວາມປອດ ໄພ ແລະ ມີຄຸນນະພາບສູງ, ແນໃສ່ຮັບປະກັນການ

ບໍລິການໃຫ້ແກ່ສັງຄົມ ໃນການຕິດຕໍ່ສື່ສານຫຼືການສົ່ງ-ຮັບຂໍ້ມູນຂ່າວສານ ໂດຍຜ່ານອິນເຕີເນັດ ໃຫ້ມີຄຸນນະພາບ, ຖືກຕ້ອງຊັດເຈນ, ມີຄວາມສະດວກວ່ອງໄວ, ປອດໄພ ແລະ ຍຸດຕິທຳ. ຕອນບ່າຍຂອງວັນທີ 26 ພຶດສະພາ 2016 ທີ່ຫ້ອງປະຊຸມສູນໄວຊີທີ (ICT) ພະແນກສຶກສາທິການ ແລະ ກິລາແຂວງຫຼວງພະບາງໄດ້ຈັດກອງປະຊຸມສະຫຼຸບປີ 2015-2016 ແລະ ແຜນການ 2016-2017 ຂອງສູນເຕັກໂນໂລຊີຂ່າວສານ ແລະ ການສື່ສານສຶກສາ ແລະ ກິລາແຂວງຫຼວງພະບາງ ໂດຍການໃຫ້ກຽດ ເຂົ້າຮ່ວມຂອງທ່ານ ຫຸມພັັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ມີທ່ານຫົວໜ້າສູນໄວຊີທີ (ICT)ພະແນກສຶກສາ, ທ່ານ ຫົວໜ້າ-ຮອງຫົວໜ້າຂະແໜງ, ຫົວໜ້າ-ຮອງຫົວໜ້າຫ້ອງການສຶກສາເມືອງ 12 ເມືອງ, ຜູ້ອໍານວຍການໂຮງຮຽນອ້ອມຂ້າງ ຕະຫຼອດຮອດພະນັກງານວິຊາການເຂົ້າຮ່ວມ.

        ໃນໂອກາດນີ້ ທ່ານ ທອງລຸນ ແກ້ວທອງເພັດ ຫົວໜ້າສູນໄວຊີທີ (ICT)ພະແນກສຶກສາ ແລະ ກິລາແຂວງຫຼວງພະບາງ ໄດ້ຂື້ນຜ່ານ ບົດສະຫຼຸບ ການຈັດຕັ້ງປະຕິບັດວຽກງານຮອບດ້ານຂອງສູນໄວຊີທີ (ICT) ໃນສົກຮຽນ2015-2016 ແລະ ແຜນການ 2016-2017. ຈຸດປະສົງ ຂອງກອງປະຊຸມຄັ້ງນີ້ ກໍ່ເພື່ອໃຫ້ຄະນະຮັບຜິດຊອບວຽກງານ ຂ່າວສານ-ການສື່ສານໄດ້ຮັບຮູ້ເຖິງລະບຽບຫຼັກການຄຸ້ມຄອງ, ການນຳໃຊ້ອິນເຕີເນັດ, ຫຼັກການຄຸ້ມຄອງຂໍ້ມູນຂ່າວສານໂດຍຜ່ານອິນເຕີເນັດ ແລະ ແຜນຍຸດທະສາດການສົ່ງເສີມໃນການເຜີຍແຜ່ຂໍ້ມູນຂ່າວສານ ແລະ ການສື່ສານ 2013-2020, ນອກນີ້ ໃນກອງປະຊຸມຍັງໄດ້ນໍາສະເໜີແຜນການໃນການສ້າງເວັບໄຊ, ລາຍງານສະພາບການເຄື່ອນໄຫວ ຂອງວຽກງານໂຄສະນາ ຂ່າວສານ ໃນໄລຍະຜ່ານມາ, ລາຍງານການຮຽນ-ການສອນອີເລີນນິ່ງ ແລະ ບັນຫາຕ່າງໆໃນການຮຽນ-ການສອນທາງໄກ ຂອງສົກຮຽນ 2015-2016. ພ້ອມນີ້ ກອງປະຊຸມຍັງໄດ້ປະເມີນຜົນການນໍາໃຊ້ ເຄື່ອງອີເລັກໂຕຼນິກ ແລະ ມີຫຼາຍໆພາກສ່ວນ ໄດ້ຜັດປ່ຽນກັນຂື້ນສະເໜີ ກ່ຽວກັບວິທີການດຳເນີນຈັດຕັ້ງປະຕິບັດໃນການກະກຽມເຄື່ອງຮັບໃຊ້ ແລະ ງົບປະມານ, ບຸກຄະລາກອນທີ່ປະກອບເຂົ້າໃນການປະຕິບັດຕົວຈິງ ພາຍໃນສະຖາບັນຂອງຕົນ.

ໃນຕອນທ້າຍກອງປະຊຸມທ່ານ ຫຸມພັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ໄດ້ໃຫ້ກຽດໂອ້ລົມ, ສະຫຼຸບ ຕີລາຄາ ຕໍ່ການນຳສະເໜີຂອງກອງປະຊຸມ ພ້ອມທັງກ່າວສະະແດງ ຄວາມຍ້ອງຍໍຊົມເຊີຍຕໍ່ຜົນງານ ການຈັດຕັ້ງປະຕິບັດ ໃນໄລຍະຜ່ານມາທີ່ທາງ ສູນໄວຊີທີ (ICT)ໄດ້ມີຜົນງານດີໃນຫຼາຍໆດ້ານ ແລະ ໄດ້ເນັ້ນໜັກໃຫ້ສູນໄວຊີທີ (ICT) ສືບຕໍ່ຜັນຂະຫຍາຍສ້າງເຄືອຂ່າຍກັບບັນດາເມືອງ, ໂຮງຮຽນອ້ອມຂ້າງໃຫ້ກ້ວາງຂວາງ ແລະ ເປັນລະບົບດຽວໃນການສື່ສານ.

images News mit02images News mit03

ກົດເບິ່ງ: 920