ມ.ສ ປ່ອງຄຳສຳເລັດການຝຶກອົບຮົມ ການນຳໃຊ້ຄອມພິວເຕີ ຂັ້ນພື້ນຖານໃຫ້ແກ່ ຄູ-ອາຈານ

ໝວດ: ກ່ຽວກັບສູນໄອທີ ເຜີຍແຜ່ເມື່ອ ວັນຈັນ, 05 ທັນວາ 2016 ຂຽນໂດຍ Super User

ມ.ສ ປ່ອງຄຳສຳເລັດການຝຶກອົບຮົມ ການນຳໃຊ້ຄອມພິວເຕີ ຂັ້ນພື້ນຖານໃຫ້ແກ່ ຄູ-ອາຈານnew1

ໃນທ່າມກາງບັນຍາກາດທີ່ທົ່ວພັກ, ທົ່ວລັດ ແລະ ທົ່ວປວງຊົນ ເວົ້າລວມ ເວົ້າສະເພາະ ແຂວງຫຼວງພະບາງ ພວມຈັດຕັ້ງຜັນຂະຫຍາຍ ແລະ ເຊື່ອມຊຶມ ມະຕິ X ຂອງພັກ, ມະຕິ VII ຂອງອົງຄະນະພັກ ແຂວງຫຼວງພະບາງ ພ້ອມກັນນັ້ນ ກໍ່ພວມຍູ້ແຮງ ຂະບວນ ການສ້າງຜົນງານ ດ້ານຕ່າງໆ ເປັນຕົ້ນແມ່ນ

ກະກຽມ ວັນບຸນເດັກນ້ອຍສາກົນແລະ ວັນປູກຕົ້ນໄມ້ແຫ່ງຊາດທີ່ຈະມາເຖິງນີ້. ເມື່ອຕອນແລງຂອງວັນທີ 27 ພຶດສະພາ 2016 ຜ່ານມາ ທີ່ໂຮງຮຽນມັດທະຍົມສົມບູນປ່ອງຄຳ ໄດ້ຈັດພິທີມອບໃບຢັ້ງຢືນ ໃຫ້ແກ່ຄູ-ອາຈານ ທີ່ໄດ້ສຳເລັດການຝຶກອົບຮົມການນຳໃຊ້ຄອມພິມເຕີຂັ້ນພື້ນຖານ. ໂດຍການເຂົ້າຮ່ວມຂອງທ່ານ ຫຸມພັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ,ທ່ານ ທອງລຸນ ແກ້ວທອງເພັດ ຫົວໜ້າສູນ ICT ພະແນກສຶກສາທິການ ແລະ ກິລາແຂວງ,ມີ ຫົວໜ້າ ຮອງຫົວໜ້າອຳນວຍການ ໂຮງຮຽນ, ຄູ-ອາຈານ, ນັກສຳມະນາກອນເຂົ້າຮ່ວມ.

        ໃນພິທີທ່ານ ທອງລຸນ ແກ້ວທອງເພັດ ຫົວໜ້າສູນ ICT ພະແນກສຶກສາທິການ ແລະ ກິລາແຂວງຫຼວງພະບາງ  ໄດ້ຂື້ນຜ່ານບົດສະຫຼຸບ ການຝຶກອົບຮົມ ການນຳໃຊ້ຄອມພິວເຕີຂັ້ນພື້ນຖານດັ່ງກ່າວ. ການຝຶກອົບຮົມການນຳໃຊ້ຄອມພິວເຕີຂັ້ນພື້ນຖານ ໃຫ້ແກ່ຄູ-ອາຈານຄັ້ງນີ້ເປັນຄັ້ງທີ II ທີ່ທັດຈາກໂຮງຮຽນມັດທະຍົມສົມບູນເດັກກໍ່າພ້າ ເຊິ່ງລວມມີນັກສຳມະນາກອນທັງໝົດ 34 ທ່ານ, ຍິງ 23 ທ່ານ.ໃນການຝຶກອົບຮົມຄັ້ງນີ້ໄດ້ ໄຂຂຶ້ນນແຕ່ ວັນທີ 25 ເມສາ 2016 ຫາ ວັນທີ 27 ພຶດສະພາ 2016 . ຫຼັກສູດຂອງການຮຽນແມ່ນໄດ້ເນັ້ນໃສ່ ໄມໂຄຼຊອບເວີດ(Microsoft word),ໄມໂຄຼຊອບ ເອັກແຊວ(MicrosoftExcel), ໄມໂຄຼຊອບ ພາວເວີພອຍ ແລະ ອິນເຕີແນັດ (Microsoft Power point & Internet). ຈຸດປະສົງຂອງການຈັດຝຶກອົບຮົມໃນຄັ້ງນີ້ ກໍ່ເພື່ອສ້າງຂີດຄວາມສາມາດ ໃນການພັດທະນາຄວາມຮູ້ ດ້ານການນຳໃຊ້ຄອມພິວເຕີ ຂອງຄູ-ອາຈານມັດທະຍົມສຶກສາທົ່ວແຂວງຫຼວງພະບາງ ໂດຍສະເພາະແມ່ນ ຄູສອນ ໂຮງຮຽນມັດທະຍົມສົມບູນປ່ອງຄຳ ແລະ ທັງເປັນການຍົກລະດັບການນຳໃຊ້ໂປຼແກຼມໄມໂຄຼຊອບອ໊ອບຟິສ 2010 ແລະ ອິນເຕີແນັດ (Microsoft Office2010 & Internet) ເຂົ້າໃນການສິດສອນເຊັ່ນ:ການພີມເອກະສານ,ການຄິໄລ່ຄະແນນ,ການເກັບກຳຂໍ້ມູນນັກຮຽນ ລົງໄວ້ໃນຄອມພີມເຕີ, ການແຕ່ງບົດສອນ ໃສ່ພາວເວີພອຍ ເຂົ້າໃນການສອນ ແລະ ການເຂົ້າຄົ້ນຫາຂໍ້ມູນໃໝ້ຈາກອິນເຕີເນັດ ເພື່ອມາປັບປຸງການບໍລິຫານ ແລະ ການສິດສອນ, ນອກນີ້ ບັນດາຄູ-ອາຈານຍັງໄດ້ແລກປ່ຽນຄວາມຮູ້ຄວາມສາມາດ ໃນການນຳໃຊ້ຄອມພິວເຕີເຂົ້າໃນການຄົ້ນຄ້ວາຮໍ່າຮຽນ ໃຫ້ປະສົບຜົນສຳເລັດ ເພື່ອວຽກງານການສຶກສາ ແລະ ກິລາໃຫ້ໄດ້ທັງປະລິມານ ແລະ ຄຸນນະພາບທີ່ດີຕາມແຜນພັດທະນາການສຶກສາຂອງແຂວງວາງໄວ້.

        ຕອນທ້າຍຂອງພິທີທ່ານ ຫຸມພັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ກໍ່ໄດ້ໃຫ້ກຽດມອບ ໃບຢັ້ງຢືນ ພ້ອມທັງໂອ້ລົມ ແລະ ກ່າວຄຳຍ້ອງຍໍຊົມເຊີຍ ແກ່ຄູ-ອາຈານ ທີ່ມີຄວາມຫ້າວຫັນເອົາໃຈໃສ່ຄົ້ນຄ້ວາຮໍ່າຮຽນ ຈົນປະສົບຜົນສຳເລັດ ແລະ ພ້ອມແລ້ວທີ່ຈະນຳເອົາບົດຮຽນທີ່ໄດ້ຮຽນມາໄປປະກອບເຂົ້າໃນການສິດ-ສອນຂອງຕົນໃຫ້ໄດ້ຮັບຜົນດີ.

ກົດເບິ່ງ: 699